بدر الشعر .. وكفى ..

[نداوي]

قصيدة
العشق والعتب

السهر وقدةٍ تصلى الجروح
والهوى ما بكت عين الجريح

في الجمر دلةٍ صفرا تفوح
وأنا قلبي على الشكوى شحيح

اقشر العشق عشقٍ ما يبوح
لين يفنا عتب أو يستريح

اقضب الليل تكفى لايروح
دام لي با الصدر عرقٍ يصيح

باكر وادع وفراق ونزوح
تطلع الشمس ونجومي تطيح

,,

قصيدة
طيف

نامت الشمس .. واستيقظ عناي
حال دون الكرى طيفٍ ضوى

ساعة أقبل نطحته من عماي
وصحت يا سيدي .. طال النوى

أحسب إنك معي ليتك معاي
يوم ضميت بيديني الهوى

يا بعيدٍ عليه انزف دماي
لاقضى الصبر .. ولا الشوق ارتوى

نبتة الدم .. تورق في حشاي
من سببها ترى حالي ذوى

وين أنادي ومين يسمع نداي
صرختي فيك .. وسكوتي سوى

[نداوي]

قصيدة
القاع والمسافة

انا احبك مابها زيف وخداع
رغم الذي نخفيه .. واللي نخافه

أودعك .. ليت الألم لحظة اوداع
إلى مضت .. ننسى الألم والحسافه

وأفارقك.. لو السفر .. يم وشراع
وبعد الفراق .. اللي نوده نعافه

لا صار مافي البعد راحه لملتاع
بالله وش نفع التعب والكلافه

من الجفا والصد .. يكفيني اذراع
لا جف نهر الحب ماتت اضفافه

املي يدك رمل وترى هذي القاع
ومدي النظر .. تدرين وش هي المسافه ..

,,

[نداوي]

قصيدة
لاتعلمني

ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي

كانهـــا الفــرقى .. طلبـــتك حـــاجتين
لا تـــعــلــــمنــي .. ولا تـــكـــذب عـلــيّ *

خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي

بــاكــر الـلــي خـــافــيٍ .. لازم يبيــن
والــوعــــد .. بـلقــى مكـــانك بــه خلــي

وانتظــــــر لــي ليلــة .. او لـــيلتيـــن
لين مـا يـقـفـــي الـسحــاب وينجلـــي

ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي

صاحبي بمـــــوت من كثر الحنيـن
خــلـنــي بــخـــتـــار لــحظـــة مقتلـــي *

[نداوي]

قصيدة
قصة حب

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت ..

,,

[نداوي]

قصيدة
الفجر البعيد

نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله
يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت

وإن زاد ظلمك ما عدلت

آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك


,,

[نداوي]

قصيدة
لا والذي سواك


لا والذي سواك ما اريد سلواك
ما أخبر به نفسٍ تمنت قدرها

وكان التفرق يا ادعج العين عناك
أنا الذي روحي عذابه صهرها

والله لو ما اعي .. نفسي برجواك
واجزم وَكاد إنه يهمك خبرها

لأطفي شعاع العمر .. لا غيّب ضياك
عميت عيونٍ ما يطولك نظرها

أغلي حياتي .. من ثواني بها ألقاك
لولاك ما تسوى حياتي كدرها

ودنيا خلت من صافي الود وياك
يا عل تكسف شمسها مع قمرها

,,

[عبيرالحب]

وأي حرف سيتجلى أمام ( البــدر) !
راائـــع فكــرا .. همسا .. حظورا
لله دره



نــداوي..//
صفحاتك مثقله بالجمال
والــروعهـ

شكــرا من أعماق العبيـــر

دام ضياؤك ..

[نداوي]

المشاركة الأصلية كتبت بواسطة عبيرالحب عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وأي حرف سيتجلى أمام ( البــدر) !
راائـــع فكــرا .. همسا .. حظورا
لله دره



نــداوي..//
صفحاتك مثقله بالجمال
والــروعهـ

شكــرا من أعماق العبيـــر

دام ضياؤك ..

..

عبيري ..
لحضورك جمال وبهاء ..

هي لكِ يانواره ..

..

[نداوي]

قصيدة
وين تبدأ هالمدينه


وين تبدا هاالمدينه .. كل يوم ..
من رصيفٍ عاريٍٍ تحت النجوم ..
من عناوين الجريده ..
في المواني .. وحمرة عيون المسافر ..
ضحكة الصبح الجديده ..
أخر اوراق التذاكر ..
اوبعد حبر الختوم ..
وين تبدا هاالمدينه .. كل يوم ..
ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..
ومدري وش سر الجنون ..
اني اعرف ..
انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
وما عرفتك ...*

*وماعرفتك

[همسه عابره]

شاعر رائع بكل معنى الكلمة

تحلقين مع قصائده عاليا

ماعدمناك ندوش